Açıq məkanlarda da maskadan istifadə məcburi oldu

Maskalardan istifadə qaydalarına nəzarət rejimi daha da sərtləşdirilir.

“Report” xəbər verir ki, bu barədə Nazirlər Kabineti yanında Operativ Qərargahın qərarında bildirilib.

Qərara əsasən, 2020-ci il 21 noyabr tarixindən etibarən xüsusi karantin rejiminin qüvvədə olduğu müddətdə ölkə üzrə bütün qapalı və açıq məkanlarda müvafiq qaydada tibbi maskalardan istifadə məcburi hesab olunur.

Xatırladırıq ki, müvafiq yerlərdə tibbi maskadan istifadə olunmaması və ya tələb olunan normalara uygun taxılmaması qanunla müəyyən edilmiş qaydada məsuliyyət yaradır.

Əvvəlki məqaləBu qurumlara könüllü daxil olan vətəndaşlar birbaşa zabit heyətinə keçiriləcəklər
Növbəti məqaləKarantin rejimi sərtləşdirildi və müddəti uzadıldı