Bu yolla avtomobil alanların diqqətinə! BAŞ PROKURORLUQ XƏBƏRDARLIQ EDİR

Baş Prokurorluq lizinq yolu ilə avtomobil alışı zamanı vətəndaşların aldadılması faktları ilə bağlı videomüraciət edib.

Bu barədə “Report”a Baş Prokurorluğun Mətbuat xidmətindən bildirilib.

Videomüraciətdə bildirilir ki, son zamanlar ölkə ərazisində lizinq yolu ilə avtomobil alışı zamanı vətəndaşların aldadılması faktlarına çox sıx rast gəlinməkdədir. Vətəndaşlara tövsiyə edilir ki, bu kimi dələduzluq halları ilə qarşılaşmamaları üçün avtomobil alarkən rəsmiləşdirməni qanuna uyğun notarial qaydada etsinlər.

Müvafiq lizinq şirkətinin qanuni nümayəndəsi olmadan 3-cü şəxslərə hər hansı ödəniş etməyin! Baş Prokurorluq xəbərdarlıq edir ki, qanunamüvafiq qaydada rəsmiləşdirilməmiş avtomobillərin idarəedilməsi yol verilməzdir!

Əvvəlki məqaləProkurorluq işçiləri ilə bağlı bu dəyişiklik edilib
Növbəti məqaləTəhsil Nazirliyi məktəblərin açılmasının nədən asılı olduğunu açıqlayıb