QHT-lər xarici maliyyə mənbələri üçün elektron müraciət edəcək

“Qeyri-hökumət təşkilatları (ictimai birliklər və fondlar) haqqında” qanuna dəyişiklik edilir.

“Report” xəbər verir ki, qanuna yeni 24-3-cü maddə ( Qrant müqavilələrinin (qərarlarının), xarici maliyyə mənbələri hesabına xidmətlərin göstərilməsi və ya işlərin görülməsi haqqında müqavilələrin qeydə alınmasının və ianələr üzrə məlumatların təqdim edilməsinin elektron müraciət əsasında aparılması) əlavə olunur.

Yeni maddəyə əsasən, Qeyri-Hökumət Təşkilatları qrant müqavilələrinin (qərarlarının), xarici maliyyə mənbələri hesabına xidmətlərin göstərilməsi və ya işlərin görülməsi haqqında müqavilələrin qeydə alınmasının və ianələr üzrə məlumatların təqdim edilməsini müvafiq icra hakimiyyəti orqanının elektron məlumat sistemi vasitəsilə elektron qaydada həyata keçirilməsi üçün müraciət edə biləcəklər.

Qanuna dəyişiklik layihəsi Milli Məclisin iyunun 23-də keçiriləcək plenar iclasında müzakirəyə çıxarılacaq.

Əvvəlki məqaləBu rayon və şəhərlərdə məhkəmə prosesləri təxirə salınır
Növbəti məqaləEvdən çıxmağa icazə almaq üçün videotəlimat hazırlanıb – VİDEO