Milli insan resursları forumu keçiriləcək. Bu barədə benefisiar.org-a formun təşkilatçıları məlumat verib.
Məlumatda deyilir ki, insan resurslarının inkişafı istiqamətində beynəlxalq təcrübənin paylaşılması, ölkəmizdə tətbiq edilən layihələrin müzakirəsi, yerli və xarici spikerlərin öz təcrübələrini bölüşdüyü Milli İnsan Resursları Forumu 2015-ci ildən etibarən illik olaraq keçirilməkdədir.
“Forumun əsas məqsədlərindən biri də mütəxəssislərdən ibarət peşəkar şəbəkələşmənin formalaşması, bu sahədə olan problemlərin ictimailəşdirilməsi və həlli üçün müzakirələrin aparılmasıdır”, deyə məlumatda bildirilir.
Bu ilki forum 20 oktyabr 2018-ci il tarixində Avropa Azərbaycan Məktəbində (Badamdar filialı) keçiriləcək. Tədbirdə şirkət rəhbərləri, sahibkarlar, insan resursları sahəsində çalışan peşəkarlar, təlimçilər, tədris mərkəzi işçiləri, bu sahə üzrə təhsil sistemi işçiləri iştirak edəcəkdir.
