Azərbaycanda müvafiq icazə olmadan pirotexnik məmulat yandırılmasına, yaxud hava gəmilərinin uçuşları üçün təhlükəli quşların kütləvi toplanmasına kömək edən obyektlər qurulmasına görə cərimələr artırılır.
“Report” xəbər verir ki, bununla bağlı İnzibati Xətalar Məcəlləsinə dəyişiklik edilməsi təklif olunur.
Sənəd Milli Məclisin Hüquq siyasəti və dövlət quruculuğu komitəsinin bugünkü iclasında müzakirə edilib.
Dəyişikliyə əsasən, həmin pozuntulara görə fiziki şəxslər 3 min manat, vəzifəli şəxslər – 5 min manat, hüquqi şəxslər isə 10 min manat məbləğində cərimə ediləcək.
Hazırda bu pozuntularla bağlı ümumi cərimə məbləği 50 manatdır.
