ABŞ-ın texnologiya nəhəngi “Facebook” şirkəti ödəniş sistemi yaratdığını bəyan edib.
“Report” xarici mətbuata istinadən xəbər verir ki, söhbət “Facebook Pay” mobil tətbiqindən gedir.
Bu sistemə “Facebook”, “Messenger”, “Instagram” və “Whatsapp” vasitəsi ilə daxil olmaq və ödəniş etmək mümkün olacaq.
Mobil tətbiq gələn həftə ABŞ-da istifadəyə veriləcək. Digər ölkələrin “Facebook” istifadəçilərinin ondan nə vaxt istifadə edə biləcəkləri isə hələlik məlum deyil.
