Nazirlər Kabineti “Sağlamlıq imkanları məhdud şəxslər üçün məktəbəqədər xüsusi təhsil müəssisələri haqqında Əsasnamə”də dəyişiklik edib.
APA-nın məlumatına görə, qüvvədə olan Əsasnaməyə əsasən, məktəbəqədər xüsusi təhsil müəssisələrində uşaqların ərzaq məhsulları ilə təminatmı və iaşə xidmətini yerli icra hakimiyyəti orqanları təmin edir yeməyin keyfiyyətinə dövlət nəzarətini səhiyyə orqanları həyata keçirir.
Dəyişikliyə əsasən, yeməyin minimum keyfiyyətinə və təhlükəsizliyinə dövlət nəzarətini həyata keçirən orqan dəyişib. Səhiyyə orqanlarının bu sahədə səlahiyyəti Azərbaycan Qida Təhlükəsizliyi Agentliyinə (AQTA) həvalə edilib.
