Pensiyaçılara ödənilən maddi yardımla bağlı rəsmi açıqlama

“Pensiyaçılara verilən birdəfəlik maddi yardımlar gələcəkdə pensiyanın təkibində hesablanacaq”.

“Report” xəbər verir ki, bunu Dövlət Sosial Müdafiə Fondunun İdarə Heyətinin sədr müavini Zəka Mirzəyev “Sosial saat”da deyib.

O bildirib ki, qulluq stajına görə əlavələrlə pensiya təyin edilən şəxslərə gələcəkdə veriləcək artımlar yeni qaydada hesablanacaq: “Hərbçilərin pensiya məbləğində vəzifə maaşı müəyyən məbləği təşkil edir. Ötən ilin sonlarında müvafiq sərəncamla hərbi rütbəli şəxslərin vəzifə maaşlarına 20 % məbləğində əlavə edilib. Hesablama göstərirdi ki, bu da onların əmək pensiyalarının artımının 9,2 % məbləğində olması idi. Ancaq yeni sərəncamla olacaq maddi yardım isə 10 % təşkil edir. Hətta bu hər kəsin əmək pensiyasının 10 % məbləğindədir”.

Z.Mirzəyev əlavə edib ki, pensiyaçının vəzifə maaşlarında artım məfhumu yoxdur: “Hərbi qulluqçunun vəzifə maaşında artım ola bilər. Pensiyaçı olan dövlət qulluqçusunun vəzifə maaşı ola bilməz”.

Əvvəlki məqaləBu sinif şagirdlərinin yerdəyişməsi dayandırılır
Növbəti məqaləİcra başçılarına ciddi xəbərdarlıq edildi